Ərdoğandan Putinə böyük irad

Türkiyə prezidenti Rəcəb Tayyib Ərdoğan rusiya və fransalı həmkarları Vladimir Putin, Fransua Ollandın qondarma erməni soyqırımı ilə bağlı İrəvanda təşkil edilmiş mərasimlərdə iştirakına münasibət bildirib.

Ərdoğan bildirib ki, Putin və Olland Ermənistana səfər edərək düşmənçiliyin tərəfində yer aldılar.

"Biz istərdik ki, Putin və Olland Ermənistanaa getməsin. Biz Çanaqqalada Ermənistana qarşı hər hansı bir cavab vermədik, belə bir addım atmadıq. Ora 2 dövlət başçısı getdi, həmd olsun bizə 20 prezident gəldi",- deyə Ərdoğan bildirib.

Prezident onu da bəyan edib ki, Türkiyə dünyaya sülh mesajı vermək üçün mücadilə edərkən Rusiya, Fransa, Almaniya və Avstriya kimi ölkələr ermənilərin yalanları üzərində inşa edilmiş bir iddiaya dəstək verərək kinin, nifrətin, düşmənçiliyin tərəfində yer aldılar.

Ölkə.Az