Ekspert: "Ukrayna nə olursa olsun, Krımı özünün tərkibinə yenidən qaytaracaq"

Ukraynanın baş naziri Arseniy Yaçenyuk Avropa İttifaqını ölkəsinə hərbi yardım göstərməyə çağırıb.

O, bildirib ki, biz Avropanın sərhədlərini qoruyuruq. Hazırda biz Avropada sülhü və əmin-amanlığı qoruyuruq. Avropanın bizə yardım etməsi, özünün təhlükəsizliyini qoruması, təmin etməsi deməkdir.

Yaçenyukun səsləndirdiyi bu fikri hərbi ekspert Üzeyir Cəfərov Ölkə.az-a şərh edib.

Üzeyir Cəfərov: "Ukrayna məsələsi hələ tam qapanmayıb. Müvəqqəti sakitlik var, ancaq Donbas ərafında hələ də silah səsləri eşidilir. Mediadan və Ukraynanın Ali Radasındakı dostlarımızdan əladə etdiyim məlumata görə, Rusiyanın Ukrayna il əlaqədar hələ başqa planları da var. Həm Ukraynanın sərhədlərində cəmlənən texnika, o cümlədən separatçıların silahlandırılması, NATO-nun baş katibi Yan Solberqin "Rusiya Ukrayna ilə müharibəyə hazırlaşır" bəyanatı, bütün bunlar onu deməyə əsas verir ki, Ukrayna hakimiyyəti vəziyyətinin çox ciddi olduğunu dərk edir. Ona görə də, baş nazir və prezident orduya daha çox diqqət ayırır. Havalar qaydasına düşdükdən sonra Rusiya kobudluğunu davam etdirəcək.

Rusiyanın qarşısını kəsən ona qarşı tətbiq edilən sərt sanksiyalar oldu. Ukrayna nə olursa olsun, Krımı öz tərkibinə yenidən qaytaracaq. Ukraynanın baş naziri Yaçenyukun Avropadan və qərbdən silah istəməsi normaldır. Ukrayna qazla və digər məsələlərlə bağlı bu qışdan salamat çıxdısa, bundan sonra möhkəmlənəcək. Ukrayna öz ərazi bütövlüyünün bərpa olunması barədə ciddi addımlar atacaq".

Səxavət Məmməd
Ölkə.az