Tacikistanda saqqal saxlamaq üçün icazə satırdılar

Bir qrup fırıldaqçı axtarışa verilib.

Tacikistanın hüquq-mühafizə orqanları saqqal və hicaba icazə satan bir qrup fırıldaqçını axtarışa verib.

Ölkə.Az-ın məlumatına görə, bu barədə “İnterfaks” Respublikanın dini işlər üzrə komitəsinə istinadən xəbər verir.

Sənəd laminasiya edilmiş karta bənzəyir, orada ad, doğum tarixi, şəxsiyyət vəsiqəsinin nömrəsi, eləcə də sahibinin fotoşəkili yerləşdirilir. Sertifikat səlahiyyətli şəxsin möhürü və imzası ilə təsdiq edilib. Belə vəsiqənin qiyməti 250 somonidir (2 min rubla yaxın).

Komitədə bəyan ediblər ki, bu qəbildən olan lisenziyaların verilməsi dövlət hakimiyyətinə qarşı və islama kölgə salmağa istiqamətlənib, saqqal və hicab üçün vəsiqə verilməsi ideyası isə tam bir cəfəngiyyatdır.

Ölkə.Az