“Boko Haram” adını dəyişdi

Qruplaşma başqa cür adlanacaq.

Ölkə.Az "Lenta.ru"a istinadən xəbər verir ki, Nigeriya və qonşu ölkələrdə aktiv şəkildə fəaliyyət göstərən “Boko Haram” terrorçu qruplaşması adını dəyişib.

Bildirilir ki, bundan sonra terrorçu qruplaşma “İslam dövlətinin Qərbi Afrika əyaləti” (Islamic State's West Africa Province, ISWAP) adlanacaq.

“Boko Haram” terrorçuları qruplaşmasının adının dəyişdirilməsini Karamqa adasına hücumla əlaqələndiriblər. Sözügedən adada Niger ordusunun bazası yerləşir və hücum zamanı Niger hərbçilərinin ciddi itkilər verib.

Qeyd edək ki, Boko Haram ( Camaat’u Əhlus-Sünnə lid-Da’va vəl Cihad) Nigeriyanın radikal islam sektasıdır. O, 2002-ci ildə Nigeriyanın şimalında Məhəmməd Yusif adlə şəxs tərəfindən yaradılıb. Təşkilatın əsas məqsədi bütün Nigeriya ərazisində şəriətin tətbiqi və Qərb həyat tərzinin silinməsidir. 2014-cü ilin may ayında BMT Təhlükəsizlik Şurası tərəfindən terror təşkilatları siyahısına salınıb.

Rəşid Mustafazadə

Ölkə.Az