Nepalda zəlzələ qurbanlarının sayı 4000-ə çatdı

7000-dən çox adam xəsarət alıb.

Ölkə.Az dünya mediasına istinadən xəbər verir ki, Nepalda aprel ayının 25-də baş verən dağıdıcı zəlzələnin qurbanlarının sayı 3726 nəfərə çatıb, zərərçəkənlərin sayı isə 7000-dən çoxdur. Bildirilir ki, zəlzələ qurbanlarının sayı 4000-ə çatır.

Qeyd edək ki, 7,9 maqnitudası olan zəlzələ Nepalda aprel ayının 25-i yerli vaxtla 11:56-da (Moskva vaxtı ilə 09:11-də) baş verib. Keçən sutka ərzində seysmoloqlar 48 təkrar təkan qeydə alıblar, onların maqnitudası 3,5-dən 6,9-a qədər olub. Xəbər verilib ki, bu zəlzələ Nepalda son 80 il ərzində ən güclü zəlzələ olub.

Zəlzələ nəticəsində ən çox Nepalın paytaxtı – Katmandu zərər çəkib.

Rəşid Mustafazadə

Ölkə.Az