İsrail prezidenti ermənilərlə görüşdə "soyqırım" sözünü demədi

İsrail prezidenti "soyqırım" sözünü işlətməyib.

Ölkə.Az xəbər verir ki, İsrail prezidenti Reuven Rivlin 1915 hadisələrinin 100-cü ildönümü səbəbiylə Qüdsdəki çıxışında "soyqırım" sözündən istifadə etməyib.

Qüdsdəki prezident korpusunda təşkil edilən mərasimdə ev sahibliyi edən Rivlin erməni icması liderləri ilə 1915 hadisələrindən danışıb. Çıxışında "soyqırım" sözünü istifadə etməkdən qaçan Rivlin o dövrdə yaşanan hadisələri başqa formada təqdim edib.

"Erməni xalqı, müasir kütləvi qırğının ilk qurbanı olub", - deyə Rivlin qeyd edib.

Qeyd edək ki, R.Rivlin Knesset üzvü olarkən “erməni soyqırımı”nın tanınmasının tərəfdarı kimi tanınıb. “Biz Holokost faciəsi ilə yanaşı digər xalqların faciəsini inkar etməməyi tələb edirik”, - deyə o çıxışlarının birində bildirib.

Rəşid Mustafazadə

Ölkə.Az