Qalmaqallı baş nazirin istefası qəbul edildi

Cənubi Koreyanın baş naziri Lee Wan-koonun istefa ərizəsi qəbul edilib. 

İqtidarda olan Saenuri Partiyasından verilən məlumata görə, ölkəyə qayıdan dövlət başçısı  Park Geun-hye istefa ərizəsini nəzərdən keçirib. İstefa ərizəsini qəbul edən dövlət başçısı hakimiyyətdə olduğu iki il müddətində 3-cü baş nazir olacaq şəxsi axtaracaq. 

Xatırladaq ki, Lee Wan-koo 1 həftə əvvəl istefa ərizəsini yazan zaman Cənubi Koreya başçısı ölkə xaricində idi.

Qeyd edək ki, Lee Wan-koo dövlət layihlərini həyata keçirən Keangnam Enterprises şirkətinin rəhbəri Sung Wan-jongdan 30 milyon von (27 min dollar) dəyərində rüşvət aldığı iddia edilir. Şirkət rəhbəri ötən həftə intihar etmiş, evində axtarış zamanı baş nazirin rüşvət aldığı sənəd ortaya çıxmışdı. (qafqazinfo)

Ölkə.Az