Şimali Koreyada 15 məmur

2015-ci ildə Şimali Koreya lideri Kim Çen Inın əmri ilə ölkənin 15 yüksək vəzifəli məmuru edam edilib. Bu barədə Koreya Respublikasının kəşfiyyat məsələləri üzrə parlament komitəsinin üzvləri bildiriblər.

Cənubi Koreyanın hakim “Senuri” partiyasından olan deputat Li Mxol U və müxalif Yeni siyasətin demokratik alyansdan olan deputat Sin Gön Min birgə brifinqdə bu qərarın KXDR prezidentinin əsasən yanvarda keçirilən yaşıllaşdırma və meşə sahəsinin genişləndirilməsi işlərindən narazı qalması ilə bağlı olduğunu bildiriblər.

Sin Gön Minin sözlərinə görə, edam cəzası həm də respublikanın ulu lideri Kim İr Senə aidiyyəti olan uğursuz dizayner layihəsi səbəbi ilə həyata keçirilib.

Komitə üzvləri 2012-ci ildən indiyə qədər Şimali Koreyada 41 partiya fəalı və məmurun edam edildiyini diqqətə çatdırıb.

Qeyd edək ki, 2013-cü il dekabrın 12-də KXDR-in Xalq Təhlükəsizliyi Nazirliyinin hərbi tribunalın hökmü ilə Dövlət Müdafiə Komitəsinin sədr müavini vəzifəsini tutan Şimali Koreya lideri Kim Çen Inın bibisinin əri Çan Son Txek də edam edilmişdi. /AzərTac/

Ölkə.Az