Kim Çen In musiqiçiləri buna görə edam etdirdi

Koreya lideri ilə bağlı növbəti şok xəbər.

Ölkə.Az "Yonhap"a istinadən xəbər verir ki, Şimali Koreyanın lideri Kim Çen In "Inxasu" milli orkestrinin 4 musiqiçisini edam etdirib. Edam olunanlar arasında ansamblın rəhbəri də olub.

Cənubi Koreyanın hakim "Senuri" partiyasının deputatı Li Çxol-vunun məlumatına əsasən, musiqiçilər Kim Çen Inın şəxsi həyatı ilə bağlı informasiyanın yayılmasına görə cəzalandırılıblar. Məhz bu, casusluqda ittiham olunmaq üçün bəhanə olub.

Musiqiçilərin güllələnməsi haqqında təfərrüatlar Cənubi Koreya parlamenti tərəfindən aşkar edilib.

Maraqlısı odur ki, "Inxasu" orkestrində Kim Çen Inın gələcək həyat yoldaşı Li Sol Çju da iştirak edib. Kəşfiyyatın ümumi hesabatında 15 edam olunmuş şəxs barədə məlumatlar var.

Şimali Koreya hökuməti hadisə ilə bağlı heç bir şərh verməyib.

Rəşid Mustafazadə

Ölkə.Az