NATO generalı: "Rusiya Donbasa yeni hücum hazırlayır"

NATO-nin Avropadakı qüvvələrinin komandanı general Filip Bridlav Ukrayna konfliktini şərh edib.

Ölkə.az alyansın rəsmi saytına istinadən xəbər verir ki, Bridlav Rusiyanın Şərqi Ukraynada yeni hücum hazırladığını bildirib.

"Rusiya atəşkəsdən öz silahlı birləşmələrini yenidən səfərbər etmək və yeni atəş nöqtələri yaratmaq üçün istifadə edir. ABŞ xüsusi xidmət orqanları Rusiyanın bölgədəki hərəkətlərini izləmək üçün daha geniş imkanlara malik olmalıdır. Rusiya isə əlindəki bütün təsir rıçaqlarından Avropaya təzyiq kimi istifadə edəcək. Hətta enerji daşıyıcıları da Rusiyanın əlində siyasi silah kimidir. O, həmişə bu kartdan istifadə edib və həmişə də edəcək", deyə NATO-nun Avropadakı quru qoşunlarının komandanı bildirib.

Ölkə.az