Şərqi Afrikada 600 etirazçı saxlanıldı

600 etirazçı saxlanılıb.

Ölkə.Az "AFP"ə istinadən xəbər verir ki, Şərqi Afrikada yerləşən Burundi dövlətində prezidentin üçüncü dəfə prezident olmaq istəyi ilə bağlı etirazların başlamasından etibarən 600-ə yaxın şəxs saxlanılıb.

Bu barədə məlumat yerli polis orqanları tərəfindən yayılıb. Beynəlxalq Qırmızı Xaç Komitəsindən bildirilib ki, aprelin 26-ı paytaxt Bujumburada polislərlə başlanan toqquşmada ən azı 7 nümayişçi öldürülüb, 66 nəfər isə ağır yaralanıb.

Xatırladaq ki, Burundidə nümayişlərə səbəb prezident Pierre Nvhurunzizanın vəzifəsində üçüncü müddətə qalmaq qərarı olub. Etiraz dalğası paytaxt Bujumburanın beş rayonunu bürüyüb, mərkəzi rayonlarda dükanlar bağlanıb, şəhərə ordu yeridilib. Keçmiş lider Pyer Buyoya ölkədə yenidən vətəndaş müharibəsinin alovlana biləcəyi barədə xəbərdarlıq edib.

Rəşid Mustafazadə

Ölkə.Az