Donbasda kazak dəstələri ilə yerli batalyonlar arasında döyüşlər gedir

Donbasda yerli batalyonlarla Rusiyadan gələn kazaklar arasında toqquşmalar davam edir.

Ölkə.az Rusiya KİV-lərinə istinadən xəbər verir ki, Ukraynanın nəzartətindən çıxarılmış Donetsk şəhərində yerli batalyonlarla Rusiyadan gəlmiş kazaklar arasında silahlı toqquşmalar baş verib.

Məlumatı Donetsk Daxili işlər idarəsinin rəisi Vyaçeslav Bıstırkin də təsdiqləyib. Məlumata görə süilahlı qarşıdurmalar 30 aprel tarixindən başlayıb və indiyədək davam edir. Məlumatda Rusiyadan gələn kazakların Donetskdə özbaşınalıq etdikləri, soyğun və quldurluqla məşğul olduqları bildirilir.

Son məlumata görə isə hazırda kazakların Donetskdəki kazarması yerli batalyonların döyüşçüləri tərəfindən mühasirəyə alınıb. Hadisənin təfərrüatları araşdırılır.

Ölkə.az