Suriya və İraqda 100-dən çox fransalı öldürülüb

Ölənlər günü-gündən artır.

Ölkə.Az xəbər verir ki, Fransa Daxili İşlər Nazirliyi Suriya və İraqdakı daxili döyüşlərdə ölən fransızların sayının 100-ü keçdiyini açıqlayıb.

Fransa Daxili İşlər Nazirliyi Terrorla Mübarizə Dairəsindən verilən açıqlamaya görə, Suriya və İraqdakı daxili döyüşlərdə aralarında ikisi uşaq olmaqla, cəmi 104 fransız və ya Fransada yaşayan şəxs həyatını itirib.
Suriya və İraqa gedən fransızların sayının 800-ü keçdiyi və bu şəxslərdən 450-in hələ bölgədə olduğu, 260-ın isə bu iki ölkəni tərk etdiyi ifadə edilib.

Nazirliyin məlumatına görə, bu ana qədər ölkə xaricinə gedən və getməyə cəhd edən 166 nəfər haqqında iddia işi açılıb. Onlardan 113-nün həbs edilməsi barədə qərar verilib.

Ölkə.Az