Səudiyyə kralı bir silləyə görə köməkçisini işdən qovdu

Kral fotoqrafa sillə vuran şəxsi işdən azad edib.

Ölkə.Az "İnterfaks" agentliyinə istinadən xəbər verir ki, Səudiyyə Ərəbistanı kralı Salman ibn Əbdül Əziz jurnalistlərdən biri ilə yaşanan hadisədən sonra kral protokolunun rəhbərini işdən azad edib.

Salman ibn Əbdül Əziz Mərakeş dövlət başçısı VI Məhəmmədin ölkəyə səfərini işıqlandıran fotoqrafa sillə vuran köməkçisini işdən azad etdiyini bəyan edib. Əlbəyaxa davanın videogörüntüləri sosial şəbəkələrdə çox sürətlə yayılıb. Kadrlarda at-Tobayşinin jurnalistlərdən birinə sillə vurduğu açıq-aydın görünür.

İşdən qovulmuş əməkdaşın yerinə yeni şəxs təyin olunub. Səudiyyə kralının bu hərəkəti digər jurnalistlər və internet istifadəçiləri tərəfindən alqışlanıb.

Rəşid Mustafazadə

Ölkə.Az