Ermənistandakı rus qoşunları dağlarda döyüşməyi öyrənirlər

Şərti düşmənə qalib gəlməlidirlər.

Rusiya qoşunları arasında hərbi-idman istiqaməti üzrə yarışmanın seçmə mərhələsi Ermənistanda Cənubi hərbi əyalətdə Rusiya hərbi bazasında start götürüb. Məşqlər zamanı döyüşçülər dağlarda uzun kilometrlik marşda şərti düşmənə qalib gəlməlidirlər.  

Yarışma iki mərhələdə keçiriləcək: birinci mərhələdə ərazidə oriyentasiya nəzəriyyəsi və bacarıqları yoxlanılacaq 

Ölkə.Az RİA Novosti-yə istinadən xəbər verir.

“İkinci mərhələdə hərbçilər, dəniz səviyyəsindən 1,5 min metr yüksəklikdə dağlıq-meşə ərazisində 15 kilometrlik məsafə qət etməlidirlər. Göstərilən marşrutu keçərkən, iştirakçılar kəşfiyyat-axtarış tədbirləri həyata keçirməli, rabitə vasitələri ilə keçdikləri hər mərhələ barədə məlumat verməli və əl qumbaralarının köməyi ilə şərti düşməni məhv etməlidirlər”, - məlumatda deyilir.

Seçim mərhələsinin nəticələrinə görə, Cənub hərbi əyalətinin ən yaxşı hərbçiləri may ayında keçiriləcək analoji hərbi dairə çempionatında iştirak edəcəklər.

Ölkə.Az