Lavrov: "Rusiya sanksiyaların ləğvi şərtlərini müzakirə etməyəcək"

Rusiyanın xarici işlər naziri ölkəsinə t6ətbiq olunmuş sanksiyaların ləğvi üçün irəli sürülən şərtlərdən danışıb.

Ölkə.az Rusiya KİV-lərinə istinadən xəbər verir ki, Lavrov Avstriyanın xarici işlər naziri Sabastian Kurçla görüşündən sonra verdiyi açıqlamada sanksiyalar məsələsinə aydınlıq gətirib.

"Biz Avstriyanın köməyinə heç bir ümid bəsləməmişik. Bəzi avropalı həmkarlarımız bizi sanksiyaları müzakirə etməyə sövq etsələr də, biz razı olmamışıq", deyə Rusiyanın XİN başçısı bildirib.

Lavrov qeyd edib ki, sanksiyaları tətqbiq edən Qərbin Rusiya qarşısında qoyduğu şərtlər Moskva üçün müzakirə mövzusu ola bilməz.

"Brüsseldə sanksiyalar haqqında danışarkən elə bilirlər ki, Minsk sazişini yalnız Rusiya yerinə yetirməlidir, amma Kiyev sazişi sabotə də edə bilər. Bu səhv yanaşmadır", deyə Lavrov sözlərinə əlavə edib.

Ölkə.az