Yəməndə qurbanların sayı artıb

Yəməndə hava zərbələri qurbanlarının sayı 43-ə çatıb.

Ölkə.Az "Reuters" agentliyinə istinadən xəbər verir ki, Səudiyyə Ərəbistanının rəhbərlik etdiyi koalisiya qüvvələrinin Yəmənin Saada vilayətindəki yaşayış məntəqələrinə endirdiyi hava zərbələri nəticəsində 43 nəfər ölüb. Münaqişəyə görə Yəmənin 20 milyon sakini qidasız qala bilər. Yanacaq təchizatındalı problemlər xəstəxanaların fəaliyyətini dayandırıb.

Xatırladaq ki, mayın 1-i Səudiyyə Ərəbistanının rəhbərlik etdiyi koalisiyanın hərbi təyyarələri Səna şəhəri üzərinə hava zərbələri endirib və nəticədə 10 dinc sakin dünyasını dəyişib.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az