Nigeriyada qadın və uşaqlar xilas edildi

Növbəti əməliyyat.

Ölkə.Az "Associated Press"ə istinadən xəbər verir ki, Nigeriyada 25 qadın və uşaq"Boko Haram" girovluğundan azad edilib.

Nigeriyalı hərbçilər "Boko Haram" ekstremist qruplaşması üzvlərinin girovluğundan 25 nəfəri xilas etməyə nail olublar. Ölkənin silahlı qüvvələrinin yaydığı bəyanata əsasən, girovlar yaraqlıların yeddi düşərgəsini ləğv etmək üçün aparılan əməliyyat zamanı azad ediliblər.

Son aylar nigeriyalı hərbçilər "Boko Haram" girovlarının azad edilməsi üzrə mütəmadi əməliyyatlar həyata keçirirlər.

Xatırladaq ki, 27 apreldə Nigeriya və qonşu ölkələrdə aktiv şəkildə fəaliyyət göstərən “Boko Haram” terrorçu qruplaşması adını dəyişmişdi. Bildirilib ki, bundan sonra terrorçu qruplaşma “İslam dövlətinin Qərbi Afrika əyaləti” (Islamic State's West Africa Province, ISWAP) adlanacaq.

Qeyd edək ki, Boko Haram ( Camaat’u Əhlus-Sünnə lid-Da’va vəl Cihad) Nigeriyanın radikal islam sektasıdır. O, 2002-ci ildə Nigeriyanın şimalında Məhəmməd Yusif adlə şəxs tərəfindən yaradılıb. Təşkilatın əsas məqsədi bütün Nigeriya ərazisində şəriətin tətbiqi və Qərb həyat tərzinin silinməsidir. 2014-cü ilin may ayında BMT Təhlükəsizlik Şurası tərəfindən terror təşkilatları siyahısına salınıb.

Rəşid Mustafazadə

Ölkə.Az