Səfirlərin olduğu təyyarə qəzaya uğradı

Pakistanda diplomatların da olduğu Mi-17 hərbi təyyarəsi qəzaya uğrayıb.

Qəzada 6 nəfərin öldüyü öldüyü bildirilir. Ölənlər arasında iki səfir və səfirlərin həyat yoldaşları və iki pilot olub. Hollandiya və Polşa səfirləri isə yaralanıblar.

Azərbaycanın Litvadakı səfiri Həsən Məmmədzadə isə tvitter hesabında maraqlı məlumat paylaşıb. O qeyd edib ki, təyyarəyə azərbaycanlı səfirin də minməsi nəzərdə tutulsa da, o son anda baş verən dəyişiklik səbəbindən vertolyota minməyib.

***

Pakistanda qəzaya uğrayan, içərisində səfirlərin olduğu helikopterdə uçmaqdan Azərbaycanın Pakistandakı səfiri Daşqın Şikarov son anda imtina edib.

Səfir APA-ya açıqlamasında deyib ki, Pakistan baş nazirinin xanımı tərəfindən bu gün Talassemiya Mərkəzində keçiriləcək tədbirə dəvət edildiyi üçün xarici ölkələrin səfirləri ilə birlikdə Gilgit-Baltistana uçmaqdan imtina edib: “Helikopter nasaz olub. Eniş etmək istəyərkən texniki problem yaranıb və məktəblərdən birinin üstünə düşüb. Mənim adım uçanlar siyahısında olub. Xəstəxanalara gətirilən yaralılar arasında olmadığım üçün mənim öldüyümə qərar veriblər və bu gün Pakistanda bir sıra media orqanı məni də hadisədə ölmüş kimi qələmə verib. Sonradan mən onlara zəng edib məsələyə aydınlıq gətirdim”.