Bill Qeyts boşandı - FOTO
“Microsoft” şirkətinin yaradıcısı milyarder Bill Qeyts boşanıb.
“Ölkə.az” xəbər verir ki, milyarder bu barədə şəxsi “Twitter” səhifəsində məlumat paylaşıb.
Cütlük boşanmaq qərarı barədə ortaq açıqlama yayıb:
“Münasibətimizlə bağlı xeyli fikirləşdikdən sonra evliliyimizi bitirməyə qərar verdik”.
Bill və Melinda Qeytslər 27 il davam edən evlilikləri boyunca 3 uşaq böyütdüklərini, qurduqları fondlar vasitəsilə dünyanın hər yerində insanlara yardım etdiklərini və buna davam edəcəklərini bildirib:
“Amma həyatımızın sonrakı mərhələsində cütlük kimi davam edə biləcəyimizi düşünmürük”.
Xatırladaq ki, Bill Qeyts dünyanın ən zəngin insanları siyahısında 4-cü yerdədir. Onun ümumi sərvəti təxminən 146 milyard dollar təşkil edir.
Billurə Yunus
