Ruhani Ermənistan ilə əlaqələri genişləndirmək üçün maneə görmür

İran prezidenti Həsən Ruhani Ermənistanın yeni təyin olunmuş səfiri Artaşes Tumanyan ilə Tehranda görüş zamanı Ermənistan ilə ikitərəfli münasibətləri genişləndirməyə çağırıb.

“Tehran və İrəvan arasında münasibətlərin genişləndirilməsi üçün maneə yoxdur”, - Ruhani may ayının 12-də görüş zamanı bəyan edib.

İİR prezidenti bəyan edib ki, İran və Ermənistan beynəlxalq təşkilatlarda münasib əməkdaşlıq səviyyəsinə malikdirlər, bu isə onların qarşılıqlı əməkdaşlığına əlavədir.

Həsən Ruhani İran və Ermənistan arasında münasibətlərinin Ermənistanın Tehrandakı yeni səfirinin missiyası zamanı daha da genişlənəcəyinə ümid etdiyini bildirib.

Tumanyan öz növbəsində qeyd edib ki, Tehranda öz diplomatik missiyası çərçivəsində Ermənistan-İran münasibətlərinin möhkəmləndirilməsi üçün hər şey edəcək.

O bəyan edib ki, İran və Ermənistan əməkdaşlığı genişləndirməyə hazırdırlar.oxu.a

Ölkə.Az