Çavuşoğlu: "Rusiyanın qonşularına qarşı yürütdüyü siyasətə haqq qazandırmaq olmaz"

Türkiyənin XİN başçısı Mövlud Çavuşoğlu sensasion bəyanatla çıxış edib.

Ölkə.az Rusiya KİV-lərinə istinadən xəbər verir ki, Çavuşoğlu Antalyada keçiriləcək NATO sammitinə hazırlıqla tanış olarkən jurnalistlərin suallarını cavablandırıb.

"Ukrayna Rusiya ilə Avropa İttifaqı arasında seçim etməməlidir. Berlin divarının yıxılmasına baxmayaraq hələ də şüurlarda bu "divar" qalmaqdadır", deyə Çavuşoğlu bildirib.

Jurnalistlərin Rusiyanın Ukraynaya qarşı aqressiyası haqqında verdikləri suallara isə Türkiyənin xarici işlər naziri qısa cavab verib: "Rusiyanın öz qonşularına qarşı yürütdüyü aqressiv siyasətə haqq qazandırmaq olmaz".

Xatırladırıq ki, əvvəllər Çavuşoğlu Krım tatarlarının vəziyyətinə görə də Moskvanı sərt tənqid etmişdi.

Ölkə.az