Merkel Putinlə danışdıqlarını Poroşenkoya çatdırdı

Konfransda məlumat verilib.

Ölkə.Az xarici mediaya istinadən xəbər verir ki, Almaniya kansleri Ukrayna prezidenti Pyotr Poroşenko ilə Berlində mətbuat konfransında Putinlə müzakirə etdiyi məsələləri diqqətə çatdırıb.

Merkel bildirib ki, Rusiya lideri ilə görüşdə Ukrayna münaqişəsinin "Normand formatında" nizamlanması müzakirə edilib.

"Biz bu mövzunu bazar günü Putinlə müzakirə etmişik. Biz "Normand formatında" nizamlanma üzərində işlərimizi davam etdirmək istəyirik, baxmayaraq ki, bu, çox mürəkkəb və çətin prosesdir", - deyə kansler deyib.

Onun sözlərinə görə, Poroşenko ilə bügünkü görüşdə atəşkəsə nail olmağın yolları barədə danışıqlar aparılacaq.

Rəşid Mustafazadə

Ölkə.Az