Barak Obamanın nə qədər pulu var?

Barak Obama 2014-cü il gəlirləri ilə bağlı hesablaşıb.

Ölkə.Az xəbər verir ki, Ağ Evin rəsmi saytında yer alan məlumata görə, ABŞ prezidenti Barak Obama və onun ailəsinin maliyyə vəziyyəti 1,9 - 6,9 milyon dollar arasında dəyərləndirilir.

Cümə günü Ağ Ev 2014-cü ilin yekunlarına əsasən 9 səhifəlik maliyyə hesabatını yayımlayıb. Prezident və onun ailəsi şəxsi hesablamalarına görə təqribi olaraq maliyyə vəziyyətlərini hesabata əlavə ediblər. Obamanın gəlirlərinin çoxu (1-5 milyon dollar) ABŞ maliyyə nazirliyinin borc qiymətli kağızlarına yatırılıb.

ABŞ-ın prezident ailəsinin cari hesabında "JPMorgan Chase" bankında 50-100 min dollar, "Northern Trust" bankında isə 15 min dollar vəsait mövcuddur. Mişel və Barak Obama "Vanguard" təqaüd fondunda 100-250 min dollar arası əmanətə malikdirlər.

Barak və Mişel Obamanın 2014-cü ildəki gəlirləri 477 min dollardır. ABŞ prezidenti illik 400 min dollar miqdarında maaş alır.

Rəşid Mustafazadə

Ölkə.Az