Ben Ladenin müşavirinə ömürlük həbs verildi

Qərar qəbul edilib.

Ölkə.Az dünya mətbutına istinadən xəbər verir ki, ABŞ məhkəməsi Usama Ben Ladenin müşavirini ömürlük həbs cəzasına məhkum edib.

Səudiyyə Ərəbistandan olan Xalid Əl Fəvvaz "Əl-Qaidə" terror təşkilatına yardım etməkdə və bir sıra partlayışların təşkilində ittiham olunub. Yeri hökumətin məlumatına əsasən, o, şəxsən Usama Ben Ladenə kömək edib. Məhkəmə Əl Fəvvaz üçün ömürlük azdlıqdan məhrumetmə cəzası tətbiq edib.

Ben Ladenin 1998-ci ildə 224 nəfərin ölümü ilə nəticələnən ABŞ-ın Keniya, Tanzaniyadakı səfirliklərində partlayışların törədilməsində günahkar bilinir. Bundan əlavə, məhkəmə qərara alıb ki, Əl Fəvvaz Londonda olarkən "Əl-Qaidə"nin Afrika şöbəsinə yeni üzvlərin cəlb edilməsi ilə məşğul olub.

Xatırladaq ki, "Əl-Qaidə" terror qruplaşmasının lideri Usama Ben Laden ABŞ hərbi kəşfiyyatının keçirdiyi məxfi əməliyyat zamanı məhv edilib. Bu haqda məlumatı rəsmi şəkildə ilk olaraq Birləşmiş Ştatların prezidenti Barak Obama təsdiq edib.

Sözügedən xəbərdən sonra Ben Ladenin ölümünə sevinənlər Ağ evin qarşısında səhərə kimi şənlik keçiriblər.

Rəşid Mustafazadə

Ölkə.Az