Bu gün Krım tatarlarının sürgün edilməsindən 71 il ötür

Stalin repressiyaları, bolşeviklərin millətlərə tutduğu divandan az qala bir əsrə yaxın vaxt keçməsinə baxmayaraq, insanlıq əleyhinə işlədilmiş bu cinayətin yaraları hələ də sızıldayır.

1944-cü ildə Stailinin göstərişi ilə Krımın aborigenləri olan tatarlar bir gecənin içərisində öz ev-eşiklərindən SSRİ-nin müxtəlif bölgələrinə sürgün edilmişlər. 32 minlik odrunun süngüləri altında Qazaxıstan, Orta Asiya və uzaq şimala sürgün edilən Krım tatarları elə yolda ikən yüzlərlə itki veriblər. Xəstələr qatarda canını tapşırıb, ölənləri isə bir5başa qatarların pəncərəsindən atıblar.

Rəsmi statistikaya görə, sayı 183 155 nəfərdən ibarət olan Krım tatarlarından minə yaxını yollarda aclıqdan və xəstəliklərdən həlak olublar. Yüzlərlə insan isə elə yollardaca NKVD cəlladları tərəfindən güllələniblər.

1944-cü ilin may ayında başlayan deportasiya təxminən 2 ay sürüb. Sağ qalmış Krım tatarlarının ən çox hissəsi, 151 136 nəfəri Özbəkistana köçürülüb. Beləliklə Stalin qədim türk torpağı olan Krımı ruslar və ermənilərlə doldurub. 1990-cı illərdən başlayaraq Krım tatarları öz vətənlərinə qaytmağa başladılar. Bir il bundan öncə isə Rusiya Krımı işğal edərək öz tərkibinə qatdı və beləliklə də tatarlara qarşı aparılan diskriminasiya siyasəti bərpa olundu.

Ölkə.az