Köçəryan peyvənd olunmasından danışdı
Ermənistanın keçmiş prezidenti Robert Köçəryan Rusiyanın “Sputnik V” vaksini ilə peyvənd olunub.
"Ölkə.az" xəbər verir ki, bunu “Rossiya 24" telekanalının efirində Köçəryan özü deyib.
"Ermənistanda koronavirusa qarşı peyvənd olunanların sayını açıqlaya bilmərəm. Amma mən "Sputnik"lə peyvənd olunmuşam", - Köçəryan əlavə edib.
Xatırladaq ki, Ermənistanda sabah keçiriləcək erkən parlament seçkilərində rekord sayda - 25 siyasi qüvvə (4 blok və 21 partiya) iştirak edir. Seçki qanunvericiliyi ilə partiyalar üçün keçid həddi 5%, bloklar üçün isə 7% müəyyən edilib.
Əsas rəqiblər baş nazir vəzifəsini icra edən Nikol Paşinyanla, ikinci prezident Robert Köçəryan hesab olunur. Köçəryan seçkilərə "Ermənistan" blokunun lideri kimi qatılıb.
