Daş-qalaq edilən qadını qorumayanlara həbs verildi

Hərəsinə 1 il həbs.

Ölkə.Az dünya mediasına istinadla xəbər verir ki, Əfqanıstanın paytaxtı Kabildə guya “Quran-i Kərim”i yandırdığı üçün daş-qalaq edilərək öldürülən qadını qorumayan polislərə həbs cəzası verilib.

Bu barədə qərar Kabil şəhər məhkəməsində qəbul edilib. Hadisə ilə əlaqədar iddiada vəzifələrini yerinə yetirməməkdə günahlandırılan polis məmurlarından 11-nə bir il həbs verilib.

Xatırladaq ki, 19 martda 27 yaşlı qadın polislərin qarşısında daş və çubuqlarla döyülərək evin damından yerə atılmış, üzərindən avtomobilin keçdiyi Fərhundənin cəsədi yandırılaraq Qabil çayına tullanmışdı. O, yerli cənazə adətlərinin əksinə olaraq qadınların çiyinlərində daşınaraq dəfn edilmişdi.

Fərhundənin günahsız olduğu isə ölümündən sonra yerli hüquq-mühafizə orqanları tərəfindən daxili işlər naziri tərəfindən açıqlanmışdı. İstintaq və məhkəmə müddətində bəlli olub ki, Fərhundə Quranı yandırmayıb. O, sadəcə cadu satan bir mollanı ifşa etdiyi üçün həmin mollanın iftirasına məruz qalıb. Molla camaat arasında Fərhundənin Quranı yandırdığı barədə şayiələr yayıbmış.

Hadisə ilə bağlı bir çox ölkələrdə mərhum qadına dəstək aksiyaları keçirilib.

Rəşid Mustafazadə

Ölkə.Az