BMT Yəməndə ölənlərin sayını açıqladı

1,8 min nəfər dünyasını dəyişib.

Ölkə.Az "Agence France Presse"ə istinadən xəbər verir ki, Yəmən münaqişəsi nəticəsində 1,8 min nəfər dünyasını dəyişib.

Bildirilir ki, 1849 nəfər ölüb, yarım milyon insan isə yaşayış yerini məcburən tərk edib. Birləşmiş Millətlər Təşkilatının humanitar məsələlər üzrə koordinasiya İdarəsinin nümayəndəsi Yens Larke bəyan edib ki, bu məlumatlar 15 maya olan göstəricilərə əsasən hazırlanıb.

Bir müddət öncə BMT-nin Yəməndə humanitar məsələlər üzrə koordinatoru Yohennes van der Klauv bildirib ki, Yəməndə münaqişənin başlamasından sonra 6 həftə ərzində 1,4 min ölüb, 6 min isə yaralanıb.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az