Yuşşenko Azərbaycanın problemlərində Rusiyanı günahlandırdı
Ukraynanın keçmiş prezidenti Viktor Yuşşenko Rusiyanı Azərbaycan, Gürcüstan, Abxaziya, Osetiya və Moldovanın problemlərində günahlandırıb və rusların hərəkətini geosiyasi çağırış adlandırıb.
Bu sözləri Yuşşenko Ukraynanın “Seqodnya” qəzetinə müsahibəsində deyib.
“Əgər siz, məsələn Azərbaycanın probleminə baxmaq istəsəz, siz Rusiya işğalından danışacaqsınız. Gürcüstanın, ya Abxaziyanın, ya da Osetiyanın problemindən danışsaz, Rusiyanın işğalından danışmalısız.
Əgər siz bilmək istəyirsizsə, niyə Moldovanın üçdə bir hissəsi işğal altındadır, siz Rusiya məsələsindən danışmalı olacaqsınız.
Siz bizim pozulmuş suverenliyimiz barədə danışanda, Rusiya məsələsindən danışacaqsınız. Bu geosiyasi çağırışdır və biz onun həlli üçün geosiyasi vasitə tapmalıyıq”, - keçmiş prezident deyib.
Yuşşenko əmin olduğunu bildirib ki, ölkəsinə problemi həll etmək üçün yalnız ABŞ-ı cəlb etmək lazımdır. Onun fikrincə, ABŞ Ukraynanın ərazi bütövlüyünün qarantıdır.
O həmçinin bəyan edib ki, Ukrayna məsələsi dünyanı bezdirib.
“Biz gündəmdə nə ikinciyik, nə də üçüncü. Ukraynadan bezdirici milçək kimi yaxa qurtarmağa başlayırlar”, - dövlət xadimi deyib.oxu.az
Ölkə.Az
