Nepalda ölənlərin sayı daha da artdı

Ölənlərin sayı da artmaqdadır.

Ölkə.Az xəbər verir ki, Nepalda zəlzələ qurbanlarının sayı 8622 nəfərə çatıb.

Bu barədə məlumat Fövqəladə hallar üzrə milli mərkəz tərəfindən yayılıb. Verilən informasiyaya əsasən, 16808 nəfər yaralanıb, 490 min ev tamamilə dağılıb.

Xatırladaq ki, aprelin 25-də səhər saatlarında Nepalda Rixter cədvəli üzrə 7,9 bal gücündə zəlzələ baş verib. Yeraltı təkanların episentri Katmandu şəhərindən 82 kilometr şimal-qərbdə, yerin 10 kilometr dərinliyində qeydə alınıb. Sonradan 4 baldan 6,9 baladək daha bir neçə zəlzələ olub.

Yeraltı təkanlar Hindistanın şimal-şərq ştatlarında, Banqladeş və Myanmada da hiss edilib. Hindistanda həlak olanların sayı 50 nəfəri ötüb.

Everestin cənub yamacında Nepaldakı zəlzələnin təsirindən yaranan qar uçqununun alpinistlərin baza düşərgəsini dağıtması nəticəsində ölənlərin sayı da artmaqdadır.

Rəşid Mustafazadə

Ölkə.Az