Kadırov "minilliyin toyu"nu tənqid edənləri efirdə "yağladı"
Kadırov Çeçenistan sakinlərini efirdə biabır edib.
Ölkə.Az xəbər verir ki, Çeçenistan Respublikasının prezideni Ramzan Kadırov “minilliyin çeçen toyu”nu "WhatsApp" və digər sosial şəbəkələr vasitəsilə gülüş hədəfinə çevirən, tənqid edən sakinləri yerli televiziya kanalının efirində danlayıb. İnternet vasitəsilə "minilliyin toyu"na dair müxtəlif fotokollajlar, status və videolar paylaşan Çeçenistan sakinləri bir yerə yığılıb. Onların arasında ayrı-ayrı yaş kateqoriyalarına aid olan qadın və kişilər yer alıb.
Xatırladaq ki, paytaxt Qroznıyda rayon daxili işlər şobəsinin başçısı Najud Quçikov ilə 17 yaşlı Heda Qoylabiyevin nikah mərasimi olub. Toyda Çeçenistan prezidenti Ramzan Kadırov da iştirak edib.
“Minilliyin çeçen toyu” adlandırılan toy mərasiminə birbaşa olaraq Çeçenistan lideri Ramzan Kadırıv dəstək verib. O, hətta "Instagram" hesabında hər kəsi bu toyu izləməyə dəvət edib. Yerli mətbuat Rusiya qanunlarına görə evlilik üçün yaşı çatmayan qızın məcburi şəkildə 46 yaşlı polislə evləndirildiyini iddia etsə də, müsahibə verən çeçen qız və ailəsi nikahın könüllü şəkildə baş tutduğunu bildirmişdilər.
Ölkə.Az Kadırovun sakinləri danlamasını əks etdirən və efirdə yayımlanan videonu təqdim edir:
Rəşid Mustafazadə
Ölkə.Az
