48 saata 170 İŞİD-çi məhv edildi

Koalisiya zərbələr endirməyə davam edir.

Ölkə.Az "Al Arabia"ya istinadən xəbər verir ki, ABŞ-ın rəhbərlik etdiyi anti-terror koalisiyasının son 48 saatda İŞİD-in mövqelərini endirdiyi hava zərbələri nəticəsində 170 terrorçu öldürülüb.

"Son 48 saat ərzində Hasaki bölgəsi yaxınlığında cihadçılar öldürülüb. Onların, demək olar, hamısı bölgədə kürd qüvvələrinə yardım edən beynəlxalq koalisiyanın hava zərbələri nəticəsində məhv edilib", - deyə Suriyanın İnsan hüquqları üzrə müşahidə şurası bildirib.

ABŞ hərbçilərinin yaydığı məlumata əsasən, Hasaki bölgəsi yaxınlığında 7 hava zərbəsi endirilib. Nəticədə İŞİD-in 3 mövqesi zərbələrə məruz qalıb, 7 avtomobil, 2 zirehli texnika və yük konteyneri məhv edilib.

Rəşid Mustafazadə

Ölkə.Az