İran edam qərarına qarşı çıxdı

O, edam qərarından kədər və narahatlıq duyduqlarını ifadə edib.

Ölkə.Az xəbər verir ki, İran Mursinin edam olunması qərarına qarşı çıxıb.

İran Xarici İşlər Nazirliyinin sözçüsü Mərziyyə Əfham həftəlik mətbuat konfransında məsələyə münasibət bildirib. O, edam qərarından kədər və narahatlıq duyduqlarını ifadə edib.

"Tarixi bir mədəniyyətə sahib Misirin razılığa çatması üçün dialoq və sülh yolunu seçəcəyinə ümid edirik. Şiddət və məhv etmək kimi yanaşmaları təşviq edən bu kimi qərarların verilməsi Misirin nüfuzuna mənfi təsir edəcək . Misirin bu cür strategiyanı seçməyəcəyini düşünürük", - deyə Əfham qeyd edib.

Xatırladaq ki, bir neçə gün öncə məhkəmə Misirin sabiq Prezidenti Məhəmməd Mursi barəsində ölüm hökmü çıxarıb. Qahirə məhkəməsi ona və “Müsəlman qardaşlar” təşkilatının bir sıra liderlərinə iki iş – dövlətə xəyanət və casusluq, həmçinin 2011-ci il yanvar inqilabı zamanı təşkilatın liderlərinin həbsxanadan qaçışı üzrə hökm oxuyub.

Dövlətə xəyanət üzrə işdə Məhəmməd Mursinin adı çəkilməyib. Onun ölüm hökmünə məhkum edilməsinə səbəb həbsxanadan qaçması olub. Qaçışda adı hallanan 106 nəfər arasında sabiq prezident də olub.

Rəşid Mustafazadə

Ölkə.Az