İŞİD cinayətkarları azadlığa buraxdı

İŞİD bircə bunu etməmişdi.

Ölkə.Az dünya mediasına istinadən xəbər verir ki, İŞİD terror təşkilatı üzvləri Suriyada Palmir şəhərində yerləşən həbsxanadan onlarla cinayətkarı azad ediblər. Məhbuslardan 5-i 35 ildən çox həbsdə imiş. Bildirilir ki, azadlığa çıxanların 27-i Livan vətəndaşıdır və onların aralarında xristianlar da var.

Xatırladaq ki, dünən İŞİD terror təşkilatı qədim Palmir şəhərinin üçdə bir hissəsini ələ keçirib. Bir neçə gün ərzində yaraqlılar ərazi üzərində nəzarət uğrunda suriyalı hərbçilərlə amansız döyüşlər aparıblar. UNESCO rəhbərinin sözlərinə görə, İŞİD-çilər qədim şəhəri tamamilə dağıdacaqlar.

Bir müddət öncə İŞİD üzvlərinin Palmirda 26 dinc sakini edam etdiyi barədə məlumat yayılmışdı Onlardan 10 nəfərin başı kəsilmişdi.

Rəşid Mustafazadə

Ölkə.Az