Erməni müdavimi yuxuda öldürüblər

Vazgen Sarqsyan adına Hərbi İnstitutun müdavimi Aykaz Barseqyanın atası Arkadi Barseqyan oğlunun yuxuda ikən öldürüldüyünü deyib.

Onun sözlərinə görə, qətl gecə baş verib.

“Növbətçi deyib ki, dördün yarısında o yataq otaqlarını gəzib, Aykaz bu zaman yatırdı. Sonra isə o, özü də yatmağa gedib, bu qətl növbətçilərin yoxlamasından sonra törədilib.

Həmin gün onlar Ordu gününü qeyd edirdilər. Sakitçilik idi, saat üçdən sonra o, yatmağa yollanıb. Bu barədə mənə rəis dedi. Dedi ki, onun ağzını paltarla tutublar, əlinə bıçaq zərbəsi vurublar, sonra isə aparıb və asıblar. Üzündə, üst dodağında zərbədən əmələ gələn yara var idi, yaxşıca qrimləyiblər, sol yanağında iz var idi. Əlləri dirsəyə qədər qan idi.

Dedilər ki, boğulmadan ölüb, belə ki, ağzını tutublar. Mənim balama zülm ediblər, sonra isə aparıb asıblar. Mənə elə gəlir ki, onu asılmanı imitasiya etmək üçün aparanda o artıq ölü olub”, - Arkadi Barseqyan danışıb.oxu.az

Ölkə.Az