İranlı sərkərdə: "Tel-Əviv və Hayfanı dağıdacağıq"

İranlı sərkərdə İsraili təhdid edib.

Ölkə.Az İran mətbuatına istinadən xəbər verir ki, İranın general-mayoru Yəhya Rahim Səfəvi İsrailinin İrana hücum edəcəyi halda 80 min raket Hayfa və Tel-Əviv istiqamətində buraxılacağını bəyan edib.

"Əgər sionistlər hər hansı yanlış addımlar atarsa, biz Tel-Əviv və Hayfanı dağıdacağıq. Onların çox problemləri var və onlar bilir ki, İran onlarla mübarizə aparmaq üçün çox qüdrətli ölkədir", - deyə Səfəvi bildirib.

O qeyd edib ki, İsrail nüvə proqramını dayandırılması üçün İrana hücum etsə, 80 min raket Hayfa və Tel-Əviv istiqamətində buraxılacaq. Sərkərdə əlavə edib ki, ABŞ və İsrail İranın maraqlarını müdafiə etməsi üçün radikal addımlar atacağından xəbərdardır.

Xatırladaq ki, bir müddət öncə İsrailin müdafiə naziri Moşe Yaalona bəyan edib ki, bəzi hallarda şəxsi müdafiə üçün müəyyən addımlar atmaq lazım gəlir. O, nitqində Xirosima və Naqasakidəki faciəni xatırladıb.

Rəşid Mustafazadə

Ölkə.Az