İŞİD daha bir şəhəri ələ keçirdi
İŞİD yaraqlıları Suriya ərazisində yerləşən antik şəhəri ələ keçiriblər.
Ölkə.az ərəb mediasına istinadən xəbər verir ki, İŞİD həftələrdir mühasirədə saxladığı Palmiranın artıq 70%-ni ələ keçirib.
Məlumata görə şəhərin əhalisi kütləvi surətdə İŞİD-in tərəfinə keçir. NTV kanalının məlumatına görə, şəhəri qoruyan Suriya ordusunun qarnizonunun əsgərləri geri çəkilərək Dəməşqə doğru qaçırlar.
YUNESKO-nun baş direktoru Palmiranın İŞİD-in əlinə keçməsi ilə bağlı dünya ictimaiyətinə müraciət yayıb. Müraciətdə dünya dövlətləri YUNESKO-nun siyahısına salınmış bu tarixi, antik şəhəri və oradakı tarixi abidələri qorumağa çağırılır.
Xatırladırıq ki, İŞİD ələ keçirdiyi bütün şəhərlərdə tarixi abidələri məhv edir.
Ölkə.az