Paşinyanın qızı Apellyasiya məhkəməsinə şikayət etdi

Nikol Paşinyanın qızı Şuşan Apellyasiya məhkəməsinə müraciət edib.

“Ölkə.Az”  “datalex.am”a istinadən xəbər verir ki, Şuşan binrinci məhkəmə instansiyasının  “kürü işi” ilə bağlı ictimai fəal Narek Samsonyan barəsində çıxarılan qərardan Apellyasiya məhkəməsinə şikayət edib. 

Şuşanın şikayəti iyulun 15-də Apellyasiya məhkəməsi tərəfindən baxılmaq üçün qəbul edilib.

İctiami fəal Narek Samsonyan 2020-ci ilin fevralında öz Facebook səhifəsində  Şuşan Paşinyanın kilosu 3000 dollar dəyərində olan qara kürü yeməsi barədə məlumat yazıb.

Paşinyanın qızı isə Samsonyandan yazdığı məlumatı təkzib edib, onun şərəf və ləyaqətini ləklədiyinə görə 4 min dollar həcmində kompensasiya verilməsini tələbi ilə məhkəməyə müraciət edib.

Məhkəmə isə Şuşanın tələbini rədd edib və əsaslandırıb ki, Narek Samsonyanın səsləndirdiyi tənqidi fikir birbaşa Şuşana ünvanlanmayıb. 

Ölkə.Az