Türkiyədə yanğından zərər çəkənlərin 27-si hazırda xəstəxanada müalicə olunur
Türkiyədə meşə yanğınları nəticəsində ölənlərin sayı 8-ə, yaralıların sayının isə 864 nəfərə yüksəlib.
Bu barədə Türkiyənin səhiyyə naziri Fəxrəddin Qoca şəxsi tvitter səhifəsində yazıb.
Nazir bildirib ki, zərər çəkənlərin 27-si hazırda xəstəxanada müalicə olunur:
“Marmaris və Bodrumda 203 nəfər yanğından təsirlənib, 186-sı müalicə olunaraq evə buraxılıb. Mersində yanğının təsirindən 154 nəfər xəstəxanaya yerləşdirilib və hazırda müalicələri bitib, evə buraxılıblar. Manavqatdakı yanğından isə 507 nəfər zərər görüb, 497-si müalicə olunaraq evə buraxılıb”.