Çin ABŞ-ı təxribatda ittiham etdi

Çin ABŞ-a qarşı şikayətlə çıxış edib.

Ölkə.Az "Reuters" agentliyinə istinadən xəbər verir ki, Çin Xalq Respublikası XİN rəsmi nümayəndəsi Xua Çunyin Cənub-Çin dənizi rayonunda amerika kəşfiyyat təyyarəsinin uçuşunu təxribat adlandırıb.

O bildirib ki, Çin XİN məsələ ilə bağlı ABŞ-a qarşı şikayətlə çıxış edib. Çunyin qeyd edib ki, Pekin ABŞ-ın təxribatçı davranışlarına qarşıdır.

"Biz ABŞ-ı öz səhvlərini düzəltməyə, rasional qalmağa və düşünülməmiş sözlər deməyi, düşünülməmiş addımlar atmağı dayandırmağa çağırırıq", - deyə Xua Çunyin bəyan edib.

Rəşid Mustafazadə

Ölkə.Az