Ruhani: "İran xalqı sülh istəyir"

"Altılığ"a ("5+1" qrupu) Rusiya, ABŞ, Çin, Fransa, Böyük Britaniya və Almaniya daxildir.

Ölkə.Az "Al-Arabia" televiziyasına istinadən xəbər verir ki, İran prezidenti Həsən Ruhani İran xalqının böyük əksəriyyətinin sülh istədiyini dəyan edib. O, Tehranın qərbində yerləşən Şəhriyarda iri dövlətlərlə aparılan nüvə danışıqlarını müdafiə edərkən bu fikri ifadə edib.

"Ucadan danışan azlığa baxmayaraq, əhalinin böyük əksəriyyəti sülhün və dünya ilə konsktruktiv anlaşmanın tərəfindədir", - deyə Ruhani bildirib.

Xatırladaq ki, İran və dünyanın altı lider dövləti 2013-cü il noyabrın 24-də Tehranın nüvə proqramı üzrə danışıqlarda irəliləyişə nail olublar. Tərəflər Cenevrədə özündə İrana qarşı nüvə sanksiyalarının bir qədər yüngülləşdirilməsini ehtiva edən birgə fəaliyyət planı imzalayıblar. 2014-cü il yanvar ayının ikinci yarısından isə həmin planın icrasına başlanılıb. Hazırda hərtərəfli razılıq üçün İran və "altılıq" ölkələri arasında danışıqlar davam etdirilir.

"Altılığ"a ("5+1" qrupu) Rusiya, ABŞ, Çin, Fransa, Böyük Britaniya və Almaniya daxildir. Avropa İttifaqının xarici işlər və təhlükəsizlik siyasəti üzrə ali nümayəndəsi danışıqlarda "3+3" qrupunun əlaqələndiricisidir.

Rəşid Mustafazadə

Ölkə.Az