Nazir vəzifədən getdiyi gün göz yaşlarını saxlaya bilmədi - VİDEO
Livanın İqtisadiyyat və Ticarət naziri Raul Neym 2020-ci ilin 4 avqustunda Livanın paytaxtı Beyrutda baş verən dəhşətli partlayışa görə vəzifədən gedib.
Ölkə.Az xarici KİV-ə istinadla xəbər verir ki, nazir təhvil-təslim mərasimində partlayışda həlak olanların xatirəsini anıb. Anma mərasimində nazir gözyaşlarını saxlaya bilməyərək ağlayıb.
Onun bu hərəkəti həm yerli, həm də xarici mətbuatda gündəm olub.
Yerli əhalinin bir qismi sosial şəbəkələrdə nazirin göz yaşlarını səmimi adlandırsa da, böyük bir qisim saxta olduğunu yazıblar.
Qeyd edək ki, Beyrut limanında baş verən dəhşətli partlayışda 200-dən çox şəxs həlak olub, 300 min nəfərin evi dağılıb, zərərçəkən 6 min nəfərdən 1000 nəfəri əlil olub.
Billurə
