İtaliyada mafiyaya qarşı əməliyyat: 60-a yaxın saxlanılan var
İtaliyanın bir neçə vilayətində mafiyaya qarşı genişmiqyaslı əməliyyat keçirilib.
"Ölkə.az" xarici mediaya istinadən bildirir ki, əməliyyat zamanı 57 nəfər saxlanılıb.
Saxlanılan şəxslərin əksəriyyətinin İtaliyanın cənubunda fəaliyyət göstərən "ndrangeta" mafiyasına mənsub olduğu bildirilir.
Qeyd olunur ki, həmin şəxslər İspaniya və Şimali Avropa ölkələrindən narkotik vasitələrin İtaliyaya idxalı ilə məşğul olurmuş.
Əməliyyat zamanı, həmçinin 3,7 milyon avro məbləğində əmlak müsadirə olunub.
