3 uşaq anası övladını xilas etmək üçün ayağının kəsilməsinə razı oldu

Üç uşaq anası 28 yaşlı Böyük Britaniyalı Ketlin Osborne kiçik qızını xilas etmək üçün öz ayağının kəsmək (amputasiya etmək-red) qərarına gəlib .

 “Ölkə.Az” “daily mirror”a istinadən xəbər verir ki, Osbornun 11 yaşı olanda ona osteosarkoma, sümük xərçəngi diaqnozu qoyuldu. İngiltərəli qızın diz qapağının çox hissəsi çıxarılıb və ayağına iki metal çubuq taxılıb. 11 ildən sonra qız yenidən xəstələndi və bu dəfə ağciyərlərində xərçəng əmələ gəldi. Bir il sonra Osborn remissiyaya daxil oldu, ancaq bir müddət sonra çətinliklə yeriyə bildiyi üçün ayağında ağrılı bir şiş əmələ gəldi.

Müayinə zamanı qadına xərçəngin üçüncü dəfə geri döndüyünü və üçüncü uşağına hamilə olduğunu söyləyib. Bu zaman  qadının iki seçimi var idi: ya sağlamlığı üçün  kimyaterapiya, ya da bətnindəki körpə...

“Bu barədə düşünməyim üçün bir həftə vaxt verdilər və dedilər ki, nə qədər tez əməliyyat olunsam, bir o qədər yaxşıdır”-  Osborn deyib.

Nəticədə qadın uşağını qorumaq naminə ayağının kəsilməsinə razı olub. Bir müddət sonra həmin qadın qeysəriyyə əməliyyatı ilə bir qız dünyaya gəlib. Qız vaxtından iki ay əvvəl dünyaya gəlib. Adını Aida-Mei qoyub.

Osborn onu da deyib ki, seçimini uşağın xeyrinə etdiyinə görə xoşbəxtdir. Üstəlik iki oğlan anası hər zaman bir qız sahibi olmaq arzusunda olub.

Qadının sərbəst hərəkət edə bilməsi üçün protez  qoyulub. 

Mürtəza
Ölkə.Az