Tacikistan prezidentindən \"yenidən 11 sentyabr hadisəsi\" xəbərdarlığı
Tacikistan Prezidenti Emoməli Rəhmon 2001-ci il sentyabrın 11-də ABŞ-da baş verən terror hadisələrinin təkrar oluna biləcəyi barədə xəbərdarlıq edib.
“Ölkə.Az” “sputnik-tacikstan”a istinadən xəbər verir ki, belə bir bəyanatla Tacikistan Prezidenti Emoməli Rəhmon KTMT-nin Düşənbədə keçirilən sammitində çıxış edib.
“Beynəlxalq ictimaiyyətin Əfqanıstandakı mövcud vəziyyətlə bağlı bitərəfliyi, nəinki bu ölkədə uzun müddət davam edən vətəndaş müharibəsinə, hətta 2001-ci il terror hücumları ilə müqayisə oluna biləcək dərəcədə faciəli hadisələrə səbəb ola bilər”, - İmoməli Rəhmon bəyan edib.
Onun sözlərinə görə, Əfqanıstanda vəziyyət mediada qeyd olunduğundan qat-qat pisdir: “Əfqanıstan probleminin hərbi yolla həll edilmədiyinə əminik”.
Mürtəza
Ölkə.Az
