Bu ölkədə sürücü çatışmazlığı qıtlığa və qiymət artımına səbəb olub

İngiltərədə yük maşını sürücüsü çatışmazlığı böhrana səbəb olub.

Ölkə.az xarici KİV-ə istinadla xəbər verir ki, buna səbəb Breksitdən (İngiltərənin Avropa Birliyindən çıxması) sonra Avropa vətəndaşlarının bu ölkəni tərk etməsidir.

Nəqliyyat sektorunda yaşanan çətinliklərdən dolayı BP şirkəti İngiltərədə yük maşını sürücüsü əskikliyinə görə benzin və dizel çatdırmağa davam edə bilməyəcəyini açıqlayıb. Şirkət məhz bu səbəbdən 100-ə yaxın yanacaqdoldurma məntəqəsini bağlamaq məcuriyyətində qalıb.
Sözügedən açıqlamadan sonra bu ölkədə neft qiymətləri 8 ilinin ən yüksək həddinə çatıb.

Sürücü çatışmazlığı təkcə neft yox, həm də qida sektorunda problemlərə səbəb olub. Bəzi marketlərdə qida ehtiyatı tükənib, marketlərdə təzə ət və təzə qida məhsullarının yeri boş qalıb.

Digər tərəfdən İngiltərədə təbii qazın qiymətində də artım müşahidə olunur. Yaşanan böhrandan dolayı çox sayda enerji firması müflis olub. Hökumət enerji firmalarının artan qiymətlərin təzyiqi altında qaldığını bildirərək, ən pisinə hazırlaşmaq gərəkdiyini açıqlayıb.

Enerji firmalarının müflis elan edilməsi 2 həftədə 1.5 milyon insana təsir edib.

Hesablamalara görə, mövcud problemin aradan qaldırılması üçün 90 mindən çox tır və yük maşını sürücüsünə ehtiyac var. 

Billurə