ABŞ-ın Rusiyadan şok istəyi

ABŞ Rusiyadan hərbi baza tələb edib.

Ölkə.Az xəbər verir ki, bu iddia ilə “Wall Street Journal” qəzeti çıxış edib.

Qəzet yazır ki, ABŞ Baş qərargah rəisi Mark Milley hərbi baza ilə bağlı tələbini ötən həftə rusiyalı həmkarı Valeri Gerasimovla görüşərkən çatdırıb. Qeyd olunub ki, ABŞ Əfqanıstandakı əməliyyatlarda sərhədə yaxın Rusiya bazalarından istifadə etmək tələbi irəli sürüb.
Məlumatda vurğulanıb ki, ABŞ-ın Əfqanıstandan çəkilməsindən sonra başda Pakistan olmaqla Əfqanıstana qonşu olan bir çox ölkələrə hərbi bazalarla bağlı tələb göndərsə də, qəbul edilməyib.

İddiaya görə, Helsinkidə baş qərargah rəisləri arasına keçirilən görüşdə Ağ Evin bu tələbi Rusiya Prezidenti Vladimir Putinə çatdırılması üçün səsləndirilib.

Adının açıqlanmasını istəməyən mənbə bu mövzuda Gerasimovun ABŞ tərəfinə hər hansı formada söz vermədiyini deyib.

Sözügedən iddia ilə bağlı ABŞ və Rusiyanın müvafiq qurumları hələlik rəsmi açıqlama veməyib.

Qeyd edək ki, qaydalara görə ABŞ-ın Rusiya ilə hərbi sahədə əməkdaşlıq etməsi qadağandır.

Billurə Yunus