Məşhur klubun sahibi qızının adını daşıyan yaxtanı satıb
Fransanın "Monako" futbol klubunun sahibi Dmitri Rıbolovlev 67 metr uzunluğunda olan Anna I adlı yaxtasını satıb.
"Ölkə.az" xarici KİV-ə istinadən xəbər verir ki, məbləğ dəqiq açıqlanmasa da, rusiyalı iş adam satış şərtlərindən razı qalıb. Alıcının kimliyi isə məlum deyil.
Yaxtaya 53,9 milyon avro qiymət qoyulmuşdu.
Qeyd edək ki, 2007-ci ildə Niderlandın "Feadship" gəmiqayırma zavodunda istehsal edilmiş və milyarderın qızının adını daşıyan yaxta helikopter meydançası, qaraj, 12 qonaq üçün 6 kabinə ilə təchiz olunub.