Saakaşvilinin olduğu həbsxananın yanındakı digər cəzaçəkmə müəssisəsi yanıb
Sabiq prezident Mixail Saakaşvilinin həbsdə olduğu həbsxananın qonşuluğundakı cəzaçəkmə müəsisəsində yanğın baş verib.
“Ölkə.Az” “TV Pirveli”yə istinadən xəbər verir ki, Rustavi şəhərində (Tiflisdən 30 km aralı) 17 saylı həbsxananın ərazisində yanğın baş verib.
Yayılan məlumatlara görə, yanğın yemək otağında baş verib.
Yanğın çıxan yer Saakaşvilinin həbsdə olduğu 12 saylı həbsxananın yanında yerləşir. Yanğının səbəbi hələlik məlum deyil.
Son məlumatlara görə, 1 560-dan çox məhkum var ki, onlardan 756 nəfəri xüsusilə ağır cinayətlərə görə cəza çəkir.
Mürtəza
Ölkə.Az
